 |
|  |
|
 |  |
 | Liklik Korona 2011
28 Septemba 2011 long 3 kilok Olgeta kantri kam bung wantaim long beten Liklik Korona belong Divain Mersi yumi beten long olgeta hap bilong graun! Gutpela taim bilong God i kam na stap wantaim ol bilipmanmeri husat bilip tru long marimari bilong God, beten liklik Korona bilong Divain Mersi na tokaut: Jisas mi trastim Yu! Fopela yia i go pinis taim mipela i kam bung wantaim long wankain de na wankain aua, na singaut long marimari bilong God long mipela na olgeta pipel i stap long graun. Mipela i kolim dispela spesal beten bilong mipela: “Liklik Korona bilong Divain Mersi yumi beten wantaim long olgeta hap bilong graun.” Dispela de mipela i makim plenty pipel Long de 28 Septemba 2011 long 3 kilok long apinun mipela i laik askim yu long beten Liklik Korona bilong Divain Mersi wantaim mipela. Dispela Korona i save senis yu yet taim yu beten na narapela pipel husat i no beten Korona tasol yu beten long ol. 3 kilok long apinun em i taim Jisas i dai long diwai kruse; em i taim bilong bikpela grasia pipel i kisim husat wantaim bikpela trast long Jisas askim Em long marimari long ol yet na narapela. Long dispela, bipo yumi start beten Liklik Korona bilong Divain Mersi i gutpela olsem yumi tingim pen na indai bilong Jisas long diwai kruse, taim yumi tok: “O Blut na Wara i bin sut na i bin kam ausait long Hart bilong Jisas olsem as bilong givim marimari long mipela, mi trastim Yu!” Jisas bai i harim hevi na wari bilong yumi na bungim ol wantaim pen na indai bilong Em. Long dispela we bai yumi lainim beten dispela singaut long aua bilong marimari bilong God na bihain bai yumi beten Liklik Korona bilong Divain Mersi. Dispela beten na Liklik Korona bilong Divain Mersi Jisas yet i skulim santu Faustyna Kowalska; Jisas i laik olsem yumi yet i beten long dispela we na lainim narapela. Yumi wan wan i mas singaut stron na askim olsem God i marimari long yumi, pogivim sin bilong yumi na blesim yumi olgeta.
Liklik Korona.... |
